ƏDV hesabatı və bəyannamə
«ƏDV hesabatı» bölməsi aylıq ƏDV bəyannaməsinin rəqəmlərini qaimələrdən, bank ödənişlərindən, ƏDV depozit hesabından və gömrük bəyannamələrindən hazırlayır. Göndərdiyiniz bəyannaməni yükləsəniz, proqram onu öz hesabladığı rəqəmlərlə müqayisə edir.
Qeyd: OkTAX bəyannaməni BTP-yə göndərmir. Rəqəmləri hazırlayır, yoxlayır və ixrac edir — bəyannaməni BTP-də özünüz doldurursunuz.
ƏDV hesabatları səhifəsi
- Sol menyuda «ƏDV hesabatı» bölməsini açın.
- Lazım olan kartı klikləyin — hesabat elə bu səhifədə açılır.
- Kartların siyahısına qayıtmaq üçün yuxarıdakı «← ƏDV hesabatları» keçidini basın.
«Plan» nişanlı kartlar hələ hazır deyil. Eyni hesabatlar «Hesabatlar» bölməsinin «ƏDV» qrupunda da var.
Əvəzləşdiriləcək qaimələr (308, 310)
Alış qaiməsi o ayda əvəzləşdirməyə düşür ki, ƏDV-siz hissəsi bankdan, ƏDV hissəsi isə ƏDV depozit hesabından ödənilib.
- «Əvəzləşdiriləcək qaimələr» kartını açın.
- Dövrü seçin: «Bu ay», «Keçən ay» düymələri və ya «Dövr», «İl», «Ay» siyahıları.
- «Hesabatı formalaşdır» basın.
- Plitələrə baxın: əvəzləşdirilən ƏDV, gözləyən ƏDV, daxil edilməyən ƏDV, portalla fərq, 310 (idxal) və 326/327 proqnozu.
- Aşağıdakı bölmələri yoxlayın: «Qaimələr üzrə», «Gözləyənlər», «Daxil edilməyənlər», «Kontragentlər üzrə», «Ödənişlər üzrə».
- Sətrə klikləyin — qaimənin ödənişləri və hesablaması açılır. Lazım olsa, «Daxil et», «Daxil etmə…» və ya «Qaydanı öyrən» seçin.
İstənilən rəqəmə klikləyəndə onu təşkil edən sənədlər (qaimə, ödəniş, depozit əməliyyatı) açılır.
308 əlavəsi üçün portal faylı:
- «Şablonu ixrac et (portal üçün)» basın.
- Pəncərədə faylın sətirlərinə baxın (4 sütun: sətir kodu, seriya, nömrə, ödənilmiş məbləğ).
- «Faylı yadda saxla…» basın və yeri seçin.
Qeyd: Şablona yalnız e-qaimələr düşür. Gömrük bəyannamələri (YGB) BTP-də gömrük məlumatından avtomatik dolur.
Ayın hansı ay sayılacağını «Ayarlar» bölməsinin «ƏDV bəyannaməsi» kartında dəyişə bilərsiniz: «Hər iki hissənin ödənildiyi ay» (standart) və ya «ƏDV-siz ödənişin ayı».
ƏDV dövriyyəsi (301–307, 319.3)
- «ƏDV dövriyyəsi» kartını açın, dövrü seçin və «Hesabatı formalaşdır» basın.
- Birinci cədvəldə bəyannamənin 301–306 sətirləri üç sütunla verilir: təqdim edilmiş, daxil olmuş və ƏDV məbləği.
- «Hissə 2» cədvəlində 307 (debitor borcları) və onun yoxlaması var.
- «İstifadəçidən soruşulanlar» bölməsində proqramda olmayan rəqəmləri yazın (NKA çekləri, barter, qarşılıqlı hesablaşma və s.) və «Saxla» basın.
- «Bəyannamə sətirlərini kopyala» basın — sətir kodları və rəqəmlər yaddaşa köçürülür. Onları Excel-ə yapışdırıb BTP-də doldura bilərsiniz.
Geri ödənilməmiş qaytarma qaiməsi üçün sətirdə «İzahedici məktub» düyməsi çıxır — məktub ayrıca tabda hazırlanır və çap olunur.
Ayı bağlamaq
Ayın siyahısını yoxladıqdan sonra «Ayı bağla» basın və təsdiqləyin. Bağlanan ayın rəqəmləri donur. Sonradan həmin aya aid məlumat dəyişərsə, bildiriş çıxır. Ayı yenidən açmaq üçün «Ayı aç» basın.
Göndərilmiş bəyannamələr
- BTP-dən göndərilmiş bəyannamənin XML faylını endirin.
- «Göndərilmiş bəyannamələr» kartını açın.
- Faylı səhifəyə sürüşdürüb atın və ya «XML yüklə…» basın. Bir neçə faylı birlikdə yükləmək olar.
- Siyahıda bəyannamənin sətrində «Aç» basın.
- Tablara baxın: - «Bəyannamə» — XML-dən qurulmuş forma; - «Müqayisə» — bəyannamə və OkTAX rəqəmləri yan-yana, fərqlər rənglə seçilir; - «Risklər və təhlil» — kritik və diqqət tələb edən hallar; baxdığınız riski «Bağla / qəbul edildi» ilə bağlayın; - «Sətirləri hazırla» — dəqiqləşdirilmiş bəyannamə üçün sətirlər, «Kopyala (cədvəl)» və «Excel».
Qeyd: Proqram tanımadığı kodları itirmir. Onlara «Ayarlar» bölməsinin «ƏDV bəyannaməsi» kartında, «Bəyannamə kodları» cədvəlində ad verin və «Kodları saxla» basın.
Aylar üzrə təhlil
«Aylar üzrə təhlil» kartı ilin bütün aylarını yan-yana göstərir: OkTAX rəqəmi, bəyannamədəki rəqəm və fərq. «Yalnız fərqli sətirlər» işarəsi yalnız uyğunsuzluqları saxlayır. Ay başlığında 🔒 ayın bağlandığını, «XML yox» isə bəyannamənin yüklənmədiyini bildirir.
